«З Windows 8 мы змянілі нашае ўяўленне пра мову, зрабілі лакальныя мовы прыярытэтам, каб карыстальнікі мелі магчымасць працаваць на любой мове з любога кампутара з усталяванай Windows 8”, – адзначыў Гамільтан.

Усяго ў новую аперацыйную сістэму ўключана 13 новых моваў: панджабі (Пакістан), сіндская (Пакістан), курдская (Ірак), уйгурская (Кітай), беларуская, кіньяруанда (Руанда), тыгранья (Эфіопія), таджыкская, валоф (Сенегал), кічэ (Гватэмала), чэрокі (ЗША), гэльская (Злучанае Каралеўства) і валенсійская (Іспанія). Акрамя таго з’явіцца брытанская версія ангельскай мовы.

Першая дэманстрацыя новай аперацыйнай сістэмы прызначаная ўжо на 29 лютага.

Паводле myce.com.

Далей на pomniki.budzma.org/events/ehkspyedycyya-na-wskray-litvy

Будуць паказаныя фільмы:

«Слёзы правінцыі Сычуань» (рэжысёр Джон Алперт, ЗША);

«Гастарбайтар» (Сяргей Ісакаў, Беларусь).

Пачатак а 18-й, інфармацыя пра месца паказу праз тэлефон 8-044-711-95-45 (Ігар Казмерчак).

24 лютага ў межах цыклу публічных лекцый «Urbi et Orbi» адбудзецца лекцыя беларускага рэжысёра Андрэя Кудзіненкі «Міф пра беларускае кіно». Мерапрыемства пройдзе ў кафэ «Лофт» ( вул. П. Броўкі, 22), пачатак а 18.30.

1 марта в клубе Loft (Бровки 22) долгожданный концерт Умки, тот самый, который мы ждем с 2010 года! Ура!
Цена билета – 50 000
Билеты будут продаваться перед началом концерта.
Заказ столиков – 60 000 (по телефону +375 29 3800010).

Узнать подробней про концерт можно по телефонам:
(025) 9733023
(029) 2555245

Гарадзенскі музыка і журналіст Алесь Дзянісаў атрымаў 21 лютага папярэджанне ад гарадзенскай пракуратуры.

“Са мной размаўляў намеснік начальніка аддзела пракуратуры Гродзенскай вобласці Валер Павядайка. Мы з ім амаль не размаўлялі пра тое, за што выпісана папярэджанне. Ён мне спрабаваў задаваць пытанні пра тое, што хоча ведаць, за што выдае папярэджанне, — кажа Алесь Дзянісаў. — Адразу папярэдзіў, што калі я буду займацца журналісцкай дзейнасцю, будзе заведзеная адміністрацыйная справа. І я магу быць пакараны штрафам ад 20 да 50 мінімальных заробкаў.

Я пазіцыянаваў сябе як незалежны журналіст, але пракурор спрабаваў даказаць маю прыналежнасць да канала “БЕЛСАТ”.

Алесь Дзянісаў сваё першае папярэджанне атрымаў яшчэ ў 2009 годзе за здымкі шклозавода “Нёман”.

Наконт сваіх музычных планаў лідар гурта “Кальян” кажа наступнае: “Мы цяпер шукаем месца для рэпетыцый. І я не збіраюся кідаць свае музычныя праекты. Вось нядаўна адыграў канцэрт у польскім Бельску. А летам, спадзяюся, мае слухачы змогуць пачуць новую складанку “Людзі на балоце”.

Андрэй Мялешка

“Нас натхніў той факт, што летась інтэрнэт-крама Amazon прадала электронных кніг больш, чым кніг у мяккай вокладцы”, — кажа адна з заснавальнікаў BYBOOKS Аляксандра Дынько. Яе праект уяўляе сабой не проста чарговы літаратурны сайт, а сапраўднае паўнавартаснае выдавецтва. Асноўнае адрозненне ў тым, што кнігі выходзяць не ў папяровым фармаце, а ў электронным. Такім чынам заснавальнікі BYBOOKS абвяшчаюць: у Беларусь прыйшла электронная кніга.

“Безумоўна, мы глядзелі на тое, што створана да нас у беларускім сеціве і з павагай ставімся да існых праектаў. Але мы не проста архівуем кнігі, якія выдаваліся. У нас іншая задача — рабіць новыя кнігі ў электронным выглядзе і паступова намацваць нішу на рынку, які, безумоўна, у нас будзе”, — такім чынам Аляксандра Дынько вызначае ўнікальнасць праекту.

Ужо запрацаваў сайт электроннага выдавецтва bybooks.eu, дзе можна чытаць новую беларускую літаратуру ў ePub — новым фармаце, які добра чытаецца на нэтбуках і ноўтбуках, на звычайных і кішэнных кампутарах, на айфонах ды айпадах. Каб хутчэй зарыентавацца, на адмысловай старонцы падаюцца парады і спасылкі.

“Мы імкнемся прывучаць чытача да таго, што электронная кніга — гэта не проста тэкст, выкладзены ў інтэрнэт, а адмыслова падрыхтаваны тэкст, па-выдавецку апрацаваны, з карэктурай і рэдактурай, а таксама з адпаведнай тэхнічнай апрацоўкай, таму мы абралі фармат ePub, які лічым найбольш перспектыўным”, — тлумачыць Аляксандра Дынько.

На сайце ўжо выкладзена 6 кніг уласнай вытворчасці. Аповесць Барыса Пятровіча “Плошча” ўжо добра вядомая, BYBOOKS зрабілі яе электронны варыянт. Сам аўтар прызнаецца, што аддае перавагу папяровым кнігам, ды і прыстасаванняў не мае, каб чытаць электронныя выданні. Пры тым разумее, што задума электроннага выдавецтва вартая. “Рана хаваць папяровую кнігу, але відавочна, што электронная кніга распаўсюджваецца. Цяпер можна мець сотні кніг любімых аўтараў проста ў сябе ў кішэні. Безумоўна, гэта плюс для моладзі, для тых, хто вучыцца і вандруе. І добра, што ў Беларусі знайшліся людзі, якія ўзяліся за такую справу”.

Зборнік вершаў “Гэта не лічыцца” Насты Манцэвіч пабачыў свет якраз у электронным выглядзе. Да ўсяго, ён дэбютны для самой паэткі. Аўтарка кажа, што таксама досыць часта звяртаецца да электроннай літаратуры. “Найперш таму, што бывае цяжка знайсці пэўную кнігу і прасцей яе спампаваць. Хоць я таксама аддаю перавагу папяровай кнізе”.

Сайт bybooks.eu будзе перыядычна папаўняцца новымі выданнямі. Цяпер рыхтуюцца дэбютныя зборнікі яшчэ двух маладых аўтараў, вядомых у сеціве (імёны пакуль не раскрываюцца), а таксама новая кніга фемінісцкай прозы Евы Вежнавец ды пераклады са шведскай падлеткавай літаратуры. У перспектыве стваральнікі BYBOOKS разлічваюць на тое, што гэтая справа будзе прыносіць прыбытак. “Калі не нам, дык людзям, якія будуць гэтым займацца пасля нас”, — зазначае Аляксандра.

Сяргей Будкін

Да гэтага прымеркаваны першы этап Агульнанацыянальнай беларускай дыктоўкі. Ён пройдзе ў офісе грамадскага аб’яднання «Таварыства беларускай мовы імя Францішка Скарыны» (ТБМ).

«Улічваючы, што сёлета юбілеі Янкі Купалы, Якуба Коласа і Максіма Танка, мы прапануем пісаць дыктоўку менавіта паводле іх твораў», — паведаміў БелаПАН кіраўнік ТБМ Алег Трусаў.Ахвотных запрашаюць у офіс ТБМ, а 17.30.

«Напісаць дыктоўку можа любы ахвотнік. Калі збярэцца шмат такіх людзей, дыктоўка пройдзе ў два, тры этапы.

Акрамя таго, мы разаслалі ў большасць пасольстваў замежных дзяржаў у Беларусі запрашэнне ўзяць удзел у гэтым мерапрыемстве.Звычайна прадстаўнікі дыпламатычнага корпуса нам у сваёй прысутнасці не адмаўляюць», — заўважыў кіраўнік ТБМ.

У рэгіёнах даты і месца правядзення дыктоўкі вызначаць мясцовыя структуры ТБМ. Агульнанацыянальная дыктоўка праводзіцца ў Беларусі пяты год запар

з ініцыятывы філосафа Уладзіміра Падгола.Мэта акцыі — дэманстрацыя павагі да роднай мовы. Першы раз дыктоўка была арганізавана 25 сакавіка 2008 года, яе прымеркавалі да 90-годдзяабвяшчэння Беларускай Народнай Рэспублікі.Найлепшы спосаб асабіста ўшанаваць родную мову ў гэты дзень (як і ва ўсе іншыя дні) — гаварыць, чытаць і пісацьпа-беларускуў сям’і і ў грамадзе.

Дык са святам!

1 сакавіка 2012 г. а 11.00 у аўдыторыі № 304 Філалагічнага факультэта Беларускага дзяржаўнага ўніверсітэта (вул. Карла Маркса, 31) адбудзецца прэзентацыя двухтомнага выдання “Браслаўшчына. Памяць і сучаснасць” пад рэдакцыяй праф. Эльжбеты Смулковай.

Двухтомная публікацыя “Браслаўшчына. Памяць і сучаснасць” з’явілася ў выніку польска-беларускага навуковага супрацоўніцтва. Яна прадстаўляе актуальную соцыялінгвістычную сітуацыю і стан беларускіх, польскіх і літоўскіх гаворак, на якія моцна ўплывае руская мова. Высновы зроблены на падставе палявых даследаванняў, якія праводзіліся сярод вясковага насельніцтва ў 1997 – 2007 гадах у многанацыянальным Браслаўскім раёне Віцебскай вобласці на Беларусі. Пасля змены дзяржаўных межаў у яго склад увайшла значная частка былога Браслаўскага павету Віленскага ваяводства. Моўная сітуацыя прадстаўлена на фоне гісторыі рэгіёну і калектыўнай памяці яго жыхароў. Выбраныя расповеды і дыялогі, у якіх узгадваецца досвед Другой Сусветнай вайны, расказваецца аб міграцыях насельніцтва, цяжкасцях пасляваеннага жыцця і сённяшніх днях, а таксама аб праблемах самаідэнтыфікацыі рэспандэнтаў і іх стаўленні да розных моў, што суіснуюць у рэгіёне, складаюць ІІІ частку тома, названую Сведчанні насельніцтва.

Удзельнікамі прэзентацыі будуць навуковы рэдактар і сааўтар праф. Эльжбета Смулкова (Польшча), рэцэнзент праф. Генадзь Цыхун, сааўтары Вольга Гушчава, Алена Казанцава, Анатоль Вялікі, Алесь Смалянчук, Ірына Будзько (Беларусь)
і інш. Мадэратар – Сяргей Важнік.

Праект арганізаваны Польскім Інстытутам у Мінску і Кафедрай тэарэтычнага і славянскага мовазнаўства БДУ.

Па «беларускіх цэнах» кампанія прапануе аўтамабілі Е, С і GLK-класаў.

Нагадаем, што выкарыстанне беларускай мове ў сваёй дзейнасці ад мінулага года практыкуе аўтацэнтр «Атлант-М Баравая» Ford. Летась аўтацэнтр ініцыяваў правядзенне ў сценах кампаніі Дзён беларускай мовы.

Паводле «Нашай нівы«.